सामाजिक सञ्जालमा पार्टीविरूद्ध आलोचना रोक्न एकीकृत समाजवादीको निर्देशन
वि.सं.२०८२ साउन २७ मंगलवार १६:०१
1.48K
shares
shares
फोटो: सामाजिक सञ्जाल
काठमाडौं ।
नेपाल कम्युनिष्ट पार्टी (एकीकृत समाजवादी)ले पार्टीको विधि र पद्धति विपरित टीकाटिप्पणी नगर्न नेता तथा कार्यकर्तालाई निर्देशन दिएको छ। पार्टी अनुशासन उल्लङ्घन हुने गरी अभिव्यक्ति नदिन तथा सामाजिक सञ्जालमा पोष्टसमेत नगर्न पार्टीले मंगलबार निर्देशन दिएको हो।
केन्द्रीय अनुशासन आयोगका अध्यक्ष शिवबहादुर देउजाले पार्टीलाई आँच पुग्ने गरी अभिव्यक्ति नदिन र सामाजिक सञ्जालमा नलेख्न सम्पूर्ण नेता तथा कार्यकर्तालाई आग्रह गरिएको जानकारी दिए । पछिल्लो समय अध्यक्ष माधवकुमार नेपाल र सम्मानित नेता झलनाथ खनालबीच समाजिक सञ्जालबाटै आरोप प्रत्यारोप गर्दै आएका थिए ।
