विवाहमा अत्याधिक खर्च गर्ने जोडीको सम्बन्ध विच्छेद हुने खतरा धेरै
वि.सं.२०८२ असार १५ आइतवार १८:३६
1.21K
shares
shares
काठमाडौं।
विवाहमा अत्यधिक खर्च गर्ने जोडीहरूको सम्बन्ध विच्छेद हुने सम्भावना अन्यको तुलनामा बढी हुने गरेको विभिन्न अन्तर्राष्ट्रिय अध्ययनले देखाएका छन् । जसअनुसार महँगो समारोह, गहना, पोशाक, र भोजमा अत्यधिक लगानी गर्ने जोडीहरू आर्थिक तनावमा पर्न सक्ने र त्यसले सम्बन्धमा दरार ल्याउने खतरा हुने बताइन्छ।
विशेषज्ञहरू भन्छन्, सामाजिक दबाब, देखासिकी, र विलासी प्रदर्शनले आर्थिक बोझ त बढाउँछ नै, सम्बन्धलाई समेत चपेटामा पार्न सक्छ। नेपालमा पनि पछिल्ला वर्षहरूमा विवाहमा अत्यधिक खर्च गर्ने प्रवृत्ति बढ्दो छ। सामाजिक सञ्जाल र ट्रेन्डका कारण खर्चिलो विवाहलाई ‘सामाजिक हैसियत’ सँग जोड्ने प्रवृत्ति देखिएको छ।
